უკრაინის პრეზიდენტი ვოლოდიმირ ზელენსკი სინგაპურში ჩავიდა, სადაც ინდონეზიის პრეზიდენტ პრაბოვო სუბიანტოს შეხვდა. ზელენსკიმ შეხვედრაზე განაცხადა, რომ უკრაინა დაინტერესებულია სამხრეთ-აღმოსავლეთ აზიის ქვეყნების ასოციაციასთან ურთიერთობების განვითარებით და ცდილობს ასოციაციის სექტორული დიალოგის პარტნიორის სტატუსის მოპოვებას.
ზელენსკი სუბიანტოს შეხვდა სინგაპურში აზიის უსაფრთხოების ყოველწლიური სამიტის "შანგრი-ლას დიალოგის" ფარგლებში.
ჩვენ იმედი გვაქვს უკრაინის სუვერენიტეტისა და ტერიტორიული მთლიანობის მიმართინდონეზიის მხარდაჭერის.
უკრაინის პრეზიდენტის ადმინისტრაციის ინფორმაციით, ლიდერებმა განიხილეს უკრაინის სამშვიდობო ფორმულის პროგრესი. ზელენსკიმ იმედი გამოთქვა, რომ ინდონეზიის მონაწილეობა სამშვიდობო სამიტში უმაღლეს დონეზე იქნება.
ზელენსკიმ ასევე აღნიშნა, რომ რუსეთის მცდელობების მიუხედავად, ხელი შეუშალოს სამოქალაქო გადაზიდვებს შავ ზღვაში, უკრაინა მზადაა გაზარდოს ინდონეზიისთვის სასოფლო სამეურნეო პროდუქტების მიწოდება.
