შეერთებული შტატები 24 მაისს, უკრაინისთვის 275 მილიონი დოლარის ოდენობით დამატებითი სამხედრო დახმარების გამოყოფის შესახებ განაცხადებს.
მედიის ცნობით, პაკეტი შეიცავს HIMARS-ის სისტემებს, 155 მმ-იან და 105 მმ-იან საარტილერიო ჭურვებს.
ეს აშშ-ის დახმარების მეოთხე პაკეტია მას შემდეგ, რაც აშშ-ის კონგრესმა აპრილის ბოლოს დაამტკიცა კანონპროექტი უკრაინისა და მოკავშირეებისთვის საგარეო დაფინანსების შესახებ.
გარდა ამისა, ვაშინგტონმა გამოაცხადა 6 მილიარდი დოლარის გამოყოფის შესახებ უკრაინის უსაფრთხოების დახმარების ინიციატივის ფარგლებში, რომელიც გამოყენებული იქნება აშშ-ს თავდაცვის ინდუსტრიასთან გრძელვადიანი კონტრაქტებისთვის.
საერთო ჯამში, 2022 წლის თებერვალში უკრაინაში რუსეთის სრულმასშტაბიანი შეჭრის დაწყებიდან, შეერთებულმა შტატებმა კიევს დაახლოებით 51 მილიარდი დოლარის ღირებულების სამხედრო დახმარება გაუწია.
