ჩინეთმა ტაივანთან დაიწყო ორდღიანი სამხედრო წვრთნები, რომელსაც უწოდა "სასჯელი სეპარატისტული ქმედებებისთვის", მას შემდეგ, რაც რაც თვითმართველი კუნძულის ახლად არჩეულმა ლიდერმა ინაუგურაციის ცერემონიაზე ლაი ცინ-დემ ფიცი დადო. იუწყება CNN
ჩინეთმა დაგმო ლაი ცინ-დესის გამოსვლა ინაუგურაციაზე, სადაც ის აცხადებდა, რომ ჩინეთმა უნდა შეწყვიტოს ტაივანის პოლიტიკური და სამხედრო დაშინება. ჩინეთის საგარეო საქმეთა მინისტრმა, ვანგ იმ ტაივანის ახალარჩეულ პრეზიდენტს სამარცხვინო უწოდა.
კომენტარი გაკეთდა ტაივანის ახალარჩეული პრეზიდენტის, ლაი ცინ-დეს ადმინისტრაციაშიც.
„სამწუხაროა ჩინეთის მიერ ცალმხრივი სამხედრო პროვოკაციების გამოყენება იმისთის, რომ საფრთხის წინაშე დააყენოს ტაივანის დემოკრატია და თავისუფლება“, – განაცხადეს ადმინსიტრაციაში.
წვრთნები ტაივანის სრუტეში - წყლის ვიწრო ზონაში მიმდინარეობს, რომელიც თვითმართველ კუნძულს მატერიკული ჩინეთისგან ჰყოფს - ასევე ტაივანის ჩრდილოეთით, სამხრეთით და აღმოსავლეთით.
ჩინეთის საზღვაო ძალების პოლკოვნიკმა ლი სიმ, წვრთნებს უწოდა "მკაცრი სასჯელი ტაივანის დამოუკიდებლობის მომხრე ძალების სეპარატისტული ქმედებებისთვის და ძლიერი გაფრთხილება გარე ძალების ჩარევისა და პროვოკაციების წინააღმდეგ".
