ეკონომიკისა და მდგრადი განვითარების მინისტრი ვერა ქობალია 2011 წლისთვის ახალი სამუშაო ადგილების შექმნის ფონზე უმუშევრობის შემცირებას ვარაუდობს
როგროც ეკონომიკისა და მდგრადი განვითარების მინისტრმა ვერა ქობალიამ მთავრობის სხდომის დაწყების წინ განაცხადა, ქვეყანაში არსებობს პოტენციალი იმისა რომ ახალი სამუშაო ადგილები შეიქმნას სოფლის მეურნეობის, ენერგეტიკის და ტურიზმის დარგებში.
"ძალიან მნიშვნელოვანია, რომ 2011 წელს უმუშევრობა შემცირდეს. ახალი სამუშაო ადგილების შექმნის პოტენციალი რეალურად არსებობს ენერგეტიკის სექტორში და უფრო მეტი სოფლის მეურნეობის დარგში. სოფლის მეურნეობის დარგში მნიშვნელოვანია ახალი სამუშაო ადგილების შექმნა, რათა რეგიონებში მცხოვრებ მოსახლეობას ჰქონდეთ თავიანთი შემოსავალი. მუშაობა გაგრძელდება ასევე ტურიზმის სექტორში ახალი სამუშაო ადგილების შესაქმნელად", - განაცადა ვერა ქობალიამ.
მინისტრის თქმით, ინტენსიური მუშაობა გაგრძელდება შავი ზღვის სანაპიროზე, ტურისტულ ზონებში, მთის კურორტებზე, ახალი სამუშაო ადგილების შესაქმნელად და მინისტრის ინფომრაციითვე 2011 წელს ქვეყნის მასშტაბით კიდევ რამდენიმე ახალი ტურისტული ცენტრი შეიქმნება.