2010 წელს აჭარაში 2009 წელთან შედარებით 5 %-ით მეტი ინვესტიციაა განხორციელებული. აჭარის ფინანსთა და ეკონომიკის სამინისტროს ინფორმაციით, 2010 წლის განმავლობაში აჭარაში 147 მლნ. დოლარის ინვესტიცია განხორციელდა, საიდანაც 108 მლნ. დოლარი უცხოურ, ხოლო 39 მლნ. დოლარი ადგილობრივ ინვესტიციებზე მოდის.

2010 წლის განმავლობაში რეგიოში განხორციელებული ინვესტიციებიდან, 49 %-ი (72 მლნ. დოლარი), ტურიზმის სექტორზე, ხოლო 29 %-ით (43 მლნ. დოლარი) მრეწველობის სექტორზე მოდის. სტატისტიკური ინფორმაციის თანახმად, 2010 წლის განმავლობაში აჭარაში განხორციელებული ინვესტიციებიდან 20 %-ი (30 მლნ. დოლარი) მშენებლობაში, 1 %-ი (1 მლნ. დოლარი) ტრანსპორტისა და კომუნიკაციების სფეროში ჩაიდო. ხოლო მთლიანი ინვესტიციების 1 %-ი (1 მლნ. დოლარი) ეკონომიკის სხვადასხვა დარგშია გადანაწილებული.

2010 წლის განმავლობაში აჭარაში პრივატიზებულ ობიექტებში 104 მლნ. დოლარის ინვესტიციაა განხორციელებული, ხოლო სხვა ინვესტიციებმა 43 მლნ. დოლარი შეადგინა.
2004 წლიდან 2010 წლის ჩათვლით აჭარაში მთლიანობაში 907 მლნ. დოლარის ინვესტიციაა განხორციელებული.