გურჯაანის რაიონის სოფელ ველისციხეში, სასაფლაოს მიმდებარე ტერიტორიაზე მამაკაცის ცხედარი იპოვეს. როგორც კახეთის საინფორმაციო ცენტრს შს გურჯაანის სამმართველოში განუცხადეს, მამაკაცი ნასვამი იყო, ღამით გარეთ დაეძინა და გაიყინა.
გარდაცვლილს ახლობლები არ ჰყავს. ბოლო წლების განმავლობაში ის სოფელ ველისციხეში, ერთ-ერთ ფერმაში მწყემსად მუშაობდა.
გურჯაანის მუნიციპალიტეტის გამგეობის სოციალური სამსახურის უფროსის ნიკა ნიჟარაძის თქმით, უპატრონო მიცვალებულის დაკრძალვის ხარჯებს გამგეობა გაიღებს.
