თელავის რაიონის სოფელ რუისპირში საცხოვრებელი სახლი დაიწვა. ხანძრის შედეგად 77 წლის შოთა ნაცარაშვილი გარდაიცვალა. როგორც კახეთის საინფორმაციო ცენტრს თელავის სახანძრო - სამაშველო სამსახურის უფროსმა ლევან ფიცხელაურმა განუცხადა, ხანძარი შეშის ღუმელიდან დილის 7:00 საათზე გაჩნდა.
შოთა ნაცარაშვილი შეზღუდული შესაძლებლობის მქონე იყო და სახლში მარტო ცხოვრობდა. გარდაცვლილის მეზობლების თქმით, მოხუცი შეშას ღუმელზე აწყობდა ხოლმე, რამაც სავარაუდოდ, ცეცხლი გააჩინა.
„მეზობლებმა ხანძრის შესახებ გვიან გაიგეს. როცა სახანძრო სამსახური ადგილზე მივიდა, სახლი თითქმის მთლიანად დამწვარი იყო", - აღნიშნა თელავის სახანძრო - სამაშველო სამსახურის უფროსმა ლევან ფიცხელაურმა.
