ვთქვათ, მე დავაშავე, რა დააშავა ჩემმა შვილმა, რომ დაასანქცირონ? - ამის შესახებ ტვ პირველის ცნობით, "ხალხის ძალის" წევრი ვიქტორ ჯაფარიძემ განაცხადა.
მისი თქმით, კანონის მიღების გამო არავინ არავის არ უნდა ასანქცირებდეს.
„ჩვენ ვართ დამოუკიდებელი სახელმწიფო, ქართველი მოსახლეობის მიერ არჩეული წევრები და კანონის მიღებისთვის თუ დაგვასანქცირებენ, ეს რაღაც სიგიჟეში გადადის უკვე. მათ რატომ ჰგონიათ, რომ ჩემი ქვეყნის ინტერესები მათ უკეთ იციან, როგორაა. ესაა დემოკრატია, რომ უდანაშაულო ადამიანს სანქცია დაუწესოს? ვთქვათ, მე დავაშავე, რა დააშავა ჩემმა შვილმა, რომ დაასანქცირონ? ეს არის დემოკრატია? მე ეგეთი დემოკრატია არ მომწონს. რა ისინი, ბორელი ჩვენი მბრძანებელია თუ ვინ არის?", - თქვა ჯაფარიძემ.
