გერმანიის ყოფილი კანცლერის ანგელა მერკელის მემუარები 2024 წლის ნოემბერში გამოიცემა. იტყობინება გამომცემლობა Kiepenheuer & Witsch-ი.
წიგნი, სახელწოდებით Freiheit ("თავისუფლება"), რომლის მოცულობა თითქმის 700 გვერდია, გერმანიის ყოფილმა კანცლერმა მის თანაშემწე და მრჩეველ ბეატე ბაუმანთან თანაავტორობით დაწერა.
მემუარები 26 ნოემბერს გამოვა და Kiepenheuer & Witsch-ის ცნობით, ხელმისაწვდომი იქნება 30-ზე მეტ ქვეყანაში, თუმცა ჯერ არ დაუზუსტებია სად.
გამომცემლობის ვებგვერდზე უკვე შესაძლებელია ბეჭდური წიგნის წინასწარი შეკვეთა 42 ევროდ, ხოლო ელექტრონული ვერსიის - 30 ევროდ.
ანგელა მერკელი გახდა პირველი ქალი, რომელიც გერმანიის ფედერალური კანცლერის თანამდებობას იკავებდა 2005 წლიდან 2021 წლამდე. მისი მოღვაწეობის პერიოდში ის ევროპისა და მსოფლიოს ერთ-ერთ ყველაზე გავლენიან პოლიტიკოსად ითვლებოდა.
