საქართველო პირველად აღნიშნავს ევროპის დღეს ევროკავშირის წევრობის კანდიდატის სტატუსით. შემოდგომაზე ევროკავშირი გადაწყვეტს, გადადგამს თუ არა საქართველო შემდეგ ნაბიჯებს ევროკავშირისკენ, ეს შესაძლებლობა არსებობს, არ გაუშვათ ის ხელიდან, – ამის შესახებ საქართველოში ევროკავშირის ელჩმა, პაველ ჰერჩისნკიმ საგამოფენო ცენტრ „ექსპო ჯორჯიაში“ ევროპის დღისადმი მიძღვნილ ღონისძიებამდე ჟურნალისტებს “უცხოური გავლენის გამჭვირვალობის კანონის შესახებ“ განუცხადა.
„დღეს ევროპის დღეა. საქართველო პირველად აღნიშნავს ამ დღეს ევროკავშირის წევრობის კანდიდატის სტატუსით. დღეს ჩვენ ვზეიმობთ 27 განსხვავებული კულტურისა და ისტორიის მქონე სახელმწიფოს წარმატებას, რომელიც საერთო ფასეულობებზე დგას. ვზეიმობთ დღეს, რომელიც ეძღვნება მშვიდობას, ერთიანობასა და მრავალფეროვნებას. ეს სწორედ ის ღირებულებებია, რომლებიც საქართველოსა და ევროკავშირს აერთიანებს. ევროკავშირის წევრობა ნიშნავს უამრავ შესაძლებლობას ახალგაზრდებისთვის, ეკონომიკურ სიძლიერეს ოჯახებისთვის და ღირსეულ ცხოვრებას ხანდაზმულებისთვის. ჩვენ გვსურს, საქართველო თავისი უნიკალური კულტურითა და ტრადიციებით ამ ერთობის ნაწილი გახდეს. შემოდგომაზე ევროკავშირი გადაწყვეტს, გადადგამს თუ არა საქართველო შემდეგ ნაბიჯებს ევროკავშირისკენ. ეს შესაძლებლობა არსებობს სწორედ ახლა. არ გაუშვათ ის ხელიდან, დრო იწურება. თქვენზეა დამოკიდებული, როგორ გამოიყენებთ მას. საქართველო მომავალს თავად ქმნის. დარჩით ევროკავშირის გზაზე, ამ გზაზე თქვენ გვერდით ვართ. გილოცავთ ევროპის დღეს. წინ, საქართველო, წინ!“ – განაცხადა პაველ ჰერჩინსკიმ.
