ბრიტანეთის საგარეო საქმეთა მინისტრმა დევიდ ქემერონმა განაცხადა, რომ ბრიტანეთი უკრაინას ყოველწლიურ სამხედრო დახმარებას გაუწევს სამი მილიარდი ფუნტის (3,74 მილიარდი დოლარი) სახით, ვიდრე საჭირო იქნება.
ამის შესახებ ქემერონმა Reuters-ს განუცხადა.
და ეს კიევის გადასაწყვეტია გააკეთებს თუ არა ამას.
„უკრაინას აქვს ამის უფლება. ისევე, როგორც რუსეთი ახორციელებს დარტყმებს უკრაინის ტერიტორიაზე. თქვენ სრულად გესმით, რატომ უდგას უკრაინას ეს საჭიროება, იმისათვის, რათა თავის დაიცვას.
ჩვენ მივცემთ სამ მილიარდ ფუნტს წელიწადში, იმდენ ხანს, რამდენიც საჭირო იქნება. ჩვენ უბრალოდ ამოვწურეთ ყველაფერი, რაც შეგვეძლო აღჭურვილობის უზრუნველყოფის თვალსაზრისით“, - განაცხადა ქემერონმა.
ქემერონი საგარეო საქმეთა მინისტრის რანგში კიევში მეორე ვიზიტის დროს შეხვდა უკრაინის საგარეო საქმეთა მინისტრს დმიტრო კულებას და პრეზიდენტ ვოლოდიმირ ზელენსკის.
ქემერონი მიესალმა აშშ-ის კონგრესის მიერ უკრაინისთვის 61 მილიარდი დოლარის დახმარების პაკეტის გადაცემას: ”ეს აბსოლუტურად მნიშვნელოვანია, არა მხოლოდ სამხედრო დახმარების, არამედ იმ მორალური თვალსაზრისითაც, რასაც ის მოუტანს ხალხს აქ, უკრაინაში“, - აღნიშნა ქემერონმა.
თუმცა, ქემერონმა პირდაპირ არ უპასუხა კითხვას, თუ როგორ შეიძლება, დონალდ ტრამპის შესაძლო ხელახალმა არჩევამ პრეზიდენტად, იმოქმედოს აშშ-ის მხარდაჭერაზე უკრაინის მიმართ. „ჩვენი გადასაწყვეტი არ არის, ვის აირჩევენ ამერიკელები პრეზიდენტად - ჩვენ ვიმუშავებთ მასთან, ვინც იქნება“, - განაცხადა ქემერონმა.
მან დასძინა, რომ უკრაინის მოკავშირეების სტრატეგია უნდა იყოს ის, რომ უკრაინას ჰქონდეს უპირატესობა ნოემბერში აშშ-ის საპრეზიდენტო არჩევნებამდე.
