საქართველოს პარლამენტის ვიცე-სპიკერი მიხეილ მაჭავარიანი სრულიად საქართველოს შობა-ახალ წელს ულოცავს და გამთლიანება-გაძლიერებას უსურვებს.
როგორც "ჯი-ეიჩ-ენთან" საუბარში მაჭავარიანმა განაცხადა, მოქმედი საკანონმდებლო და აღმასრულებელი ხელისუფლების უმთავრესი მიზანია, საქართველო გახდეს ძლიერი და მთლიანი.
"ახალ წელს მივულოცავ მთელ ქვეყანას, ქართველ ხალხს, ყველას, ვესიმპათიურებით თუ არა. ჩვენ ერთი მიზანი გვაქვს _ საქართველო იყოს ძლიერი და მთლიანი. ვისურვებდი საქართველოში მცხოვრებ ყველა ჩვენს თანამოქალაქეს, მიუხედავად ეროვნებისა, ჰქონდეს სამუშაო ადგილი, მიიღოს ანაზღაურება, გაზარდოს შვილები და ემსახუროს ქვეყანას,"-აცხადებს მიხეილ მაჭავარიანი.
მისივე თქმით, თითოეულმა ჩვენთაგანმა უნდა მოძებნოს ის, რაც გვაერთიანებს და არა, რაც გვაშორებს, "რადგან ახლა ჩვენ ძალიან რთულ პერიოდში ვცხოვრობთ", - ამბობს პარლამენტის ვიცე-სპიკერი და ყველას წარმატებას, კეთილდღეობას, ჯანმრთელობას, ქვეყნის ტერიოტირული მთლიანობის აღდგენასა და ეკონომიკის გაჯანსაღებას უსურვებს.
