ახალი 2011 წლის დადგომას მოსახლეობის 43% სადღესასწაულო განწყობით ხვდება.
2010 წლის 21-დან 28 დეკემბრამდე ახალი ამბების სააგენტო "ჯი-ეიჩ-ენის" დაკვეთით საკონსულტაციო ჯგუფი "GCG"-ის მიერ ჩატარებულ ტრადიციული საახალწლო გამოკითხვში მონაწილეობა 1450-მა რესპოდენტმა მიიღო.

2009 წელს დეკემბერში ახალი წლის დადგომის გამო სადღესასწაულო განწყობა ჰქონდა გამოკითხულთა 42%-ს, 2008 წელს _ 29%-ს, 2007 წელს 47%, 2006 წელს 43%-ს, 2005 წელს 40%-ს.

ახალი წელი ჩვეულებრივი დღეა გამოკითხულთა 28%-სთვის (2009 წელს _ 29%. 2008 წელს _ 38%, 2007_ 24%, 2006 წელს - 23%, 2005 წელს - 24%), არასადღესასწაულო (პრობლემების გამო) განწყობა აქვს _ 29%-ს.

ტრადიციული სადღესასწაულო ქართული სუფრა (გოჭი, ინდაური, საცივი, გოზინაყი და ა.შ.) გაიშლება გამოკითხულთა _ 38%-ის ოჯახში (2009 წელს _ 40%, 2008 წელს _ 32%, 2007 წელს _ 45%, 2006 წელს 46%, 2005 წელს 42%). 36% სრულყოფილად ვერ შესძლებს მისთვის სასურველი სუფრის გაშლას (2009 წელს _ 33%, 2008 წელს _ 42% 2007 წელს _ 36%, 2006 წელს 34%, 2005 წელს 37%), რესპოდენტების 26%-ის ოჯახებში საახალწლო სუფრას ყოველდღიური მენიუსგან განსხვავებული არაფერი შეემატება (2009 წელს _ 27%, 2008 წელს _ 28%, 2007 წელ-19%, 2006 წელს 20%, 2005 წელს 21%).