საქართველოს პრეზიდენტმა მიხეილ სააკაშვილმა ახალი წლისთვის 407 მსჯავრდებული შეიწყალა.
ამის შესახებ სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ დღეს გამართულ ბრიფინგზე განაცხადა.
მისი განმარტებით, 407 მსჯავრდებულიდან სასჯელაღსრულების დაწესებულებებს დატოვებს 339, ხოლო 58-ს სასჯელის ვადა გაუნახევრდა, 4-ს მოეხსნა პირობითი მსჯავრი, 6-ს კი სასჯელის ვადა შეუმცირდა.
შეწყალებულ მსჯავრდებულებს შორის 16 ქალია, ერთი არასრულწლოვანი.
პატიმრები საპყრობილეებს დღესვე დატოვებენ და ახალ წელს სახლებში შეხვდებიან.
