საქართველოს ამ დროისათვის 3 872 145 000 დოლარის დავალიანება აქვს.
ფინანსთა სამინისტროს ინფორაციით, საქართველოს საგარეო ვალმა, მიმდინარე წლის 30 ნოემბრის მდგომარეობით, 3 872 145 000 დოლარი შეადგინა, რაც 31 ოქტომბრის მაჩვენებელთან შედარებით 36 508 000 დოლარით მეტია.
სტატისტიკის თანახმად, საგარეო ვალის მაჩვენებელი 2009 წლის ანალოგიურ პერიოდთან შედარებით, გაზრდილია. 2009 წლის 30 ნოემბრის მდგომარეობით, საქართველოს საგარეო ვალი 3 397 224 000 დოლარს შეადგენდა.
სამინისტროს ინფორმაციით, ვალის საერთო მოცულობიდან მრავალმხრივი კრედიტორების მიმართ ვალი 2 788 881 000 დოლარია, ხოლო ორმხრივი კრედიტორების მიმართ - 579 809 000 დოლარი.
30 ნოემბრის მდგომარეობით საქართველოს მიერ სახელმწიფო გარანტიით აღებული კრედიტების ოდენობა 3 456 000 დოლარს შეადგენს, ხოლო ევრობონდების ვალი - 500 000 000 დოლარს.
