უზენაესი სასამართლოს თავმჯდომარემ კონსტანტინე კუბლაშვილმა მედიის წარმომადგენლებისთვის ტრადიციული მიღება გამართა. მან ჟურნალისტებს 2010 წლის განმავლობაში სასამართლო ხელისუფლების მიერ გაწეული მუშაობის შესახებ ანგარიში წარუდგინა.
უზენაესი სასამართლოს თავმჯდომარის განცხადებით, 2010 წელი სასამართლო სისტემისთვის ბევრი მნიშვნელოვანი მოვლენით იყო აღსანიშნავი. მათ შორის კუბლაშვილმა ახალი სისხლის სამართლის საპროცესო კოდექსის მიღება და სასამართლოში შეტანილი სამოქალაქო სარჩელების რაოდენობის გაზრდა დაასახელა.
"მხოლოდ 2010 წელს სასამართლოში შესული სამოქალაქო სარჩელების რაოდენობა 42 პროცენტით გაიზარდა. ეს არის, ძირითადად, სანივთო სამართლებრივი დავები, რომელთა პროცენტული რაოდენობის ზრდა ასევე სასამართლოს მიმართ მოსახლეობის გაზრდილ ნდობაზე მიუთითებს~, _ განაცხადა ბრიფინგზე კუბლაშვილმა.
ღონისძიების დასასრულს მედიის წარმომადგენლებისთვის გაიმართა საახალწლო მიღება.
