„ეივონის" ინფორმაციით, საერთაშორისო კონკურსში მონაწილეობა მუსიკალური ნიჭის მქონე ნებისმიერ სრულწლოვანს შეუძლია. სამოყვარულო ვიდეოთი გადაღებული საკუთარი შესრულება ყველა მსურველმა 13 თებერვლის ჩათვლით, კონკურსის ვებგვერდზე www.avonvoices.com უნდა ატვირთოს. ხოლო მათთვის, ვინც თავად წერს სიმღერებს, სამოყვარულო ვიდეო იმავე საიტზე 2011 წლის 20 მაისიდან 1 ივლისამდე უნდა განათავსოს.

„მუსიკალური პროექტი „AVON VOICES" კომპანიის 125 წლის იუბილეს დავუკავშირეთ. გვსურდა, ქალებისთვის შესაძლებლობა მიგვეცა, მოეხდინათ საკუთარი შესაძლებლობების დემონსტრირება და სწორედ ჩვენი მეშვეობით მიეღწიათ მსოფლიო პოპულარობისთვის. კონკურსი ონლაინ ხმის მიცემის სისტემაზეა დამყარებული. პირველი ტურის დასასრულს ჟიური გამოავლენს 197 მეოთხედფინალისტს და ყველა მათგანისთვის ეივონი საფრანგეთში, პარიზში პროფესიონალურ დონეზე კლიპის გადაღებას უზრუნველყოფს. ბოლო ტურში კი, ხმის მიცემის შედეგად გამოვლენილი 10 კონკურსანტისთვის მორიგ ახალ კლიპს ეივონი უკვე შოუბიზნესის ცენტრში -ჰოლივუდში გადაიღებს," - აცხადებენ კომპანია „ეივონში".

კომპანიის ცნობით, ფინალში დასახელდება ორი გამარჯვებული, ერთი მონაწილეთა საერთო შემადგენლობიდან, ხოლო მეორე კონკურსში მონაწილე „ეივონის" წარმომადგენლებისგან. ფინალისტები კომპანია „ეივონისგან" პრიზად პროფესიონალური, პროდიუსირებული ალბომის ჩაწერს მიიღებენ, რომელიც ეივონის ყოველთვიური კატალოგის მეშვეობით მთელ მსოფლიოში გავრცელდება.

პროექტ „AVON VOICES" ჟიურიში წარმოდგენილი არიან: მეგავარსკვლავი, გრემის პრემიის ექვსგზის ლაურეატი მომღერალი ფერჯი, ლეგენდარული სიმღერების ავტორი დაიან უორენი და ცნობილი რუსი მომღერალი ვალერია. ხოლო საქართველოში, უკრაინაში, რუსეთსა და ყაზახეთში პროექტის მხარდამჭერია ცნობილი მომღერალი დიმიტრი მალიკოვი.

AVON - არის მსოფლიოში ცნობილი კოსმეტიკის მწარმოებელი კომპანია ქალებისთვის. კომპანიის წლიური ბრუნვა მთელს მსოფლიოში 10 მილიარდ დოლარს აღემატება. კომპანია რეალიზაციას პირდაპირი გაყიდვების გზით აწარმოებს და საქმიანობს მსოფლიოს ასზე მეტ ქვეყანაში. მთელი მსოფლიოს მასშტაბით კი კომპანია 6 მილიონზე მეტი დისტრიბუტორით არის წარმოდგენილი.