ცხინვალის რაიონთან მდებარე ტყეს ცეცხლი გაუჩნდა. ამის შესახებ ინფორმაციას სააგენტო "რესი" ცხინვალის სეპარატისტული რეჟიმის ე.წ. საგანგებო სიტუაციების სამსახურის ხელმძღვანელზე ანატოლი ბიბილოვზე დაყრდნობით ავრცელებს.
მისი თქმით, ხანძარი ცხინვალის რაიონის სოფელ ძარცემთან მდებარე ტყეს გაუჩნდა, რომლის მიზეზადაც სეპარატისტები დაუდევრობას ასახელებენ.
ხანძრის ჩაქრობაში ოს სეპარატისტებს ცხინვალში მდებარე რუსეთის მეოთხე ბაზის ჯარისკაცებიც ეხმარებიან.
