პუტინის განცხადებები მიხეილ ხოდორკოვსკის საქმესთან დაკავშირებით იყო კიდეც ნამდვილი განაჩენი. მეფეები ხანდახან გულმოწყალებას იჩენდნენ. მაგრამ "კა-გე-ბე" არასოდეს არ იჩენს გულმოწყალებას, ჩვენთან ხელისუფლებაში კი "კა-გე-ბეა". აცხადებს რუსი ჟურნალისტი, დისიდენტი ვალერია ნოვოდვორსკაია ინტერნეტ-პორტალ "RFI "-თან საუბარში მიხეილ ხოდორკოვსკის სასამართლო პროცესის კომენტირებისას.
"პუტინის განცხადებები მიხეილ ხოდორკოვსკის საქმესთან დაკავშირებით იყო კიდეც ნამდვილი განაჩენი. თან ვადაც დასახელებული იყო - აშშ-ში ამისათვის 150 წელს უსჯიან- განაცხადა თანაპრეზიდენტმა ვლადიმერ პუტინმა და ერთგვარად, საოცნებოდ ამოიოხრა. ეს რომ სისხლის სამართლის კოდექსში იყოს გათვალისწინებული მას აუცილებლად მიუსჯიდნენ 150 წელს. მეფეები ხანდახან გულმოწყალებას იჩენდნენ. მაგრამ "კა-გე-ბე" არასოდეს არ იჩენს გულმოწყალებას, ჩვენთან ხელისუფლებაში კი "კა-გე-ბეა", _ აცხადებს ნოვორსკაია.
შეგახსნებთ, რომ მოსკოვის ხამოვნიჩესკოეს სასამართლომ მიხეილ ხოდორკოვსკი და პლატონ ლებედევი მათ წინააღმდეგ აღძრულ სისხლის სამართლის მეორე საქმეში ბრალდებულებად აღიარა.
სასამართლოში კომპანია "იუკოსის" ყოფილი ხელმძღვანელების განაჩენის კითხვა უკვე რამდენიმე დღეა მიმდინარეობს. მათ წინააღმდეგ მეორე სისხლის სამართლის საქმე აღძრული იყო "მსხვილი და ძალიან მსხვილი ოდენობით სხვისი ქონების დატაცებაში და ლეგალიზაციაში". სასამართლომ ისინი "იუკოსის" ნავთობის დატაცებაში ბრალდებულებად აღიარა.
მიხეილ ხოდორკოვსკის ხშირად ვლადიმერ პუტინის პირად პატიმარს უწოდებენ. რამდენიმე დღის წინ ვლადიმერ პუტინმა ხოდორკოვსკი საქმეზე კომენტარის გაკეთებისას განაცხადა - "ქურდი ციხეში უნდა იჯდეს, ხოლო რაც შეეხება ხოდორკოვსკის მას ბრალად დატაცება აქვს წაყენებული, თან საკმაოდ სოლიდური".
