ესპანეთის ქალაქ ვალენსიაში, საცხოვრებელ კორპუსში გაჩენილი ხანძრის შედეგად დაღუპულთა რაოდენობა 10-მდე გაიზარდა, დაშავებულია14 ადამიანი.
ვალენსიის მერის, მარია ხოსე კატალას თქმით, ხელისუფლება კვლავ ცდილობს 15-მდე ადამიანის პოვნას, ხოლო მთავრობის რეგიონული წარმომადგენლის თქმით, 14 ადამიანი უგზო-უკვლოდ დაკარგულად არის მიჩნეული.
ხანძარი საცხოვრებელ კორპუსში გუშინ, 22 თებერვალს გაჩნდა.
ხანძარმა 14-სართულიანი შენობა მთლიანად მოიცვა. ცეცხლი მეოთხე სართულზე გაჩნდა.
სახლში, დაახლოებით 450 ადამიანი ცხოვრობდა.
შემთხვევას გამოეხმაურა ესპანეთის პრემიერ-მინისტრი პედრო სანჩესიც.
„შეძრწუნებული ვარ ვალენსიაში მდებარე შენობაში გაჩენილი საშინელი ხანძრის გამო. მსურს, ჩემი სოლიდარობა გამოვუცხადო ყველა დაზარალებულ ადამიანს და სასწრაფო დახმარების პერსონალს, რომელიც უკვე იმყოფებიან შემთხვევის ადგილზე“, – დაწერა სანჩესმა სოციალურ ქსელში.
