ევროკავშირის უმაღლესმა წარმომადგენელი საგარეო საქმეთა და უსაფრთხოების პოლიტიკის საკითხებში ჟოზეფ ბორელი კიევში რუსეთის სრულმასშტაბიანი შეჭრის დაწყების შემდეგ მეოთხე ვიზიტით ჩავიდა.
„დავბრუნდი კიევში მეოთხე ვიზიტით რუსეთის სრულმასშტაბიანი შეჭრის დაწყების შემდეგ. მე ვარ აქ, რათა განვიხილო ჩვენს უკრაინელ მეგობრებთან ევროკავშირის ურყევი მხარდაჭერა უკრაინისადმი - სამხედრო სფეროში, ფინანსურ სფეროში ახალი უკრაინული ფონდთან ერთად, ასევე ევროკავშირის რეფორმების გზაზე“, - განაცხადა ბორელმა.
ევროკავშირის საგარეო სამსახურმა განმარტა, რომ ბორელის ვიზიტი უკრაინაში ორ დღეს - 6 და 7 თებერვალს გაგრძელდება.
„ვიზიტის დროს ევროკავშირის უმაღლესი წარმომადგენელი ჟოზეფ ბორელი შეხვდება პრეზიდენტ ვოლოდიმირ ზელენსკის, პრემიერ-მინისტრ დენის შმიჰალს, საგარეო საქმეთა მინისტრს დმიტრო კულებას და თავდაცვის მინისტრ რუსტემ უმეროვს, ასევე სიტყვით მიმართავს უმაღლესი რადას დეპუტატებს“, - ნათქვამია სამსახურის განცხადებაში.
ბორელი ასევე დაესწრება უკრაინაში სამოქალაქო უსაფრთხოების სექტორის რეფორმის შესახებ ევროკავშირის მრჩეველთა მისიას.