ლოს-ანჯელესში 2024 წლის გრემის დაჯილდოების გამარჯვებულები გამოავლინეს.
რიგით 66-ე დაჯილდოების ტრიუმფატორი ამერიკელი მომღერალი ფიბი ბრიჯერსი გახდა, მუსიკოსმა 4 ჯილდო მიიღო. წლის საუკეთესო ჩანაწერად მაილი საირუსის Flowers დასახელდა.
საუკეთესო ალბომის კატეგორიაში ტეილორ სვიფტმა გაიმარჯვა. ის პირველი სოლო შემსრულებელია, რომელსაც სხვადასხვა დროს საუკეთესო ალბომისთვის ჯილდო 4-ჯერ გადაეცა.
წლის საუკეთესო სიმღერა ბილი აილიშის What Was I Made For გახდა.
საუკეთესო რეპ-შემსრულებლად Killer Mike-ი დაასახელეს. ჯილდო საუკეთესო მეტალ-შესრულებისთვის Metallica-ს ერგო.
წლის საუკეთესო როკ-ალბომი Paramore-ის This is Why გახდა.
წლის საუკეთესო ახალ შემსრულებლად ვიქტორია მონე დასახელდა.
