საპარლამენტო უმრავლესობის წევრმა, ირაკლი ზარქუამ კახა კალაძის გუნდმა წერეთლის გამზირის რეაბილიტაციის დასრულებასთან დაკავშირებით მადლობა გადაუხადა. ამის შესახებ მან ჟურნალისტებს ესაუბრა.
„მინდა, „ნაცებს“ მივმართო, გამოდით, ბიჭო, წერეთელზე, მინდა, დაგთვალოთ. თქვე ხელმოცარულებო, თქვენა. ეს კიდევ ერთი კარგი ლუსტრაცია იყო თბილისელებისა და მთელი საქართველოსთვის, როგორ არ უნდა გენდოთ. როგორ გიხარიათ, რომ სადმე თუ პროექტში რამე ხინჯია, აბა, დროზე თუ არ დასრულდა, როგორ ხართ ჩასაფრებულები. ხელმოცარულები დარჩით აქაც, იმიტომ, რომ კახა კალაძის გუნდმა, მერიამ, ბატონმა ბენდელიანმა, მთელმა ჯგუფმა, ვინც მუშაობდა ღირსებით, დროულად და ხარისხიანად შეძლეს და გააკეთეს დროში და ვადაში. ბუნებრივია, მეორე ეტაპი 15 მარტამდე დამთავრდება, რომელიც გულისხმობს ტროტუარების მოწყობას, განათების, ლედ ბოძების დამონტაჟებას, ავტობუსების გაჩერების მოწყობას. დანარჩენი, ორმხრივი მოძრაობა, როგორც პროექტით იყო განსაზღვრული, ვადაში შესრულდა. ასე რომ, კიდევ ერთხელ სირცხვილი თქვენ. გამოდით ახლა, უნდა დაგთვალოთ“, – განაცხადა ზარქუამ.
