მისივე თქმით, ილჰამ ალიევი ძალიან ორგანული ადამიანია - "ილჰამ ალიევი ათასჯერ უფრო დიდი ადამიანია, ვიდრე პოლიტიკოსი. ის უბრალოდ კარგი ადამიანია და პოლიტიკაში დარჩენა კარგ ადამიანად ეს ძალიან რთულია. ის ძალიან ორგანული ადამიანია, მას არ აქვს თვისება რამე თქვას და მაგალითად ერთი წლის შემდეგ ნათქვამი დაავიწყდეს".

საქართველოს პრეზიდენტი ასევე აცხადებს, რომ ილჰამ ალიევი ძალიან სანდო ადამიანია.
"ეს უბრალოდ ძალიან სანდო ადამიანია კარგი განზრახვებითა და მოქმედებებით. მას უბრალოდ ჩვევა და დეკლარაცია კი არ აქვს არამედ მოქმედება. მინდა ასევე ვთქვა, რომ ეს მეგობრობა გამოცდილია არა დიდ ფორუმებსა და დეკლარაციებში არამედ რთულ დროსა და იმ სიტუაციებში, რომელიც თვალნათელი არ იყო სხვისთვის, ერთგვარად გაუხმაურებელი იყო და მრავალი მათგანი დღესაც არ გახმაურებულა", _ აცხადებს საქართველოს პრეზიდენტი.

ეხება რა საქართველოსა და აზერბაიჯანის ორმხრივ ურთიერთობებს მიხეილ სააკაშვილი აცხადებს, რომ საქართველოსა და აზერბაიჯანს კეთილმეზობლური და თბილი ურთიერთობები აქვთ.

"ამ რეგიონში ისე უბრალოდ, არაფერი არ უნდა მოხდეს. სხვა მრავალ ქვეყანას რომ შევხედოთ, არ დავკონკრეტდები, მაგრამ ხდება ისეთი რამეც რომ თითქოს მეზობლად მდებარე ქვეყნებს მრავალი საერთო ინტერესი აქვთ და მრავალის მიღწევაც შეუძლიათ ერთად, მაგრამ ლიდერების პირადი ამბიციების გამო ყოველივე ეს ვერ ხერხდება. ასეთი შემთხვევები საკმაოდ ბევრია. ეს უბრალოდ აშკარად მტრული დამოკიდებულებებია. ამიტომაც ყველას მინდა ვუთხრა: ჩვენი კარგი ურთიერთობები აზერბაიჯანთან - ამ რეგიონისათვის არაბუნებრივია. ყველაფერი შეიძლება სულ სხვანაირად იყოს. დღეს არსებული არ იქნებოდა, ჯერ რომ ჰეიდარ ალიევი არ ყოფილიყო შემდეგ კი ილჰამი, რომელიც ამას აკეთებს, იმიტომ რომ ფუნდამენტალურად ასე სწამს და ასეა განწყობილი. და იგი არ აპირებს არც ერთი ნაბიჯით უკან დახევას", _ აცხადებს მიხეილ სააკაშვილი.