დღეს გვაქვს ძალიან კარგი მონაცემები, 60 პროცენტამდეა ასული ჩვენი რეიტინგი, მას შემდეგ, რაც მივიღეთ სტატუსი, ჩვენი ამოცანაა შენარჩუნება და კიდევ უფრო გამყარება ამ შედეგის, რაც დღეს გვაქვს, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
მისი თქმით, მმართველი გუნდისთვის უპირველესი ამოცანა არის ქვეყნის განვითარება.
„მთავარი ამოცანა ჩვენთვის არის იმ პრობლემების გადაჭრა, რაც დგას ქვეყნის, მოსახლეობის წინაშე, ეკონომიკური, სოციალური საკითხები იქნება პრიორიტეტული. ამაზე მთავრობა, პარლამენტი, ხელისუფლების თითოეული ორგანო იმუშავებს ძალიან აქტიურად. უპირველესი ამოცანა უნდა იყოს ქვეყნის განვითარებაზე ზრუნვა“, – განაცხადა კობახიძემ.
