თბილისის მერი კახა კალაძე პრაღაში, უნივერსიტეტში მომხდარი თავდასხმის გამო მწუხარებას გამოთქვამს და ჩეხ ხალხს სამძიმარს უცხადებს.
„სამძიმარს ვუცხადებ ჩეხ ხალხსა და ჩეხეთის მთავრობას პრაღაში, კარლის უნივერსიტეტში მომხდარი თავდასხმის შედეგად დაღუპული მშვიდობიანი მოქალაქეების გამო! მთელი მსოფლიო შეძრა ამ საშინელმა ტრაგედიამ. ამ მძიმე წუთებში საქართველო თქვენ გვერდითაა!“, – წერს კახა კალაძე „ტვიტერში“.
ბოლო მონაცემებით, პრაღაში კარლის უნივესიტეტში სროლის შედეგად, დაღუპულია 15 ადამიანი, ხოლო დაშავებულია 24 პირი.
უნივერსიტეტში ნაპოვნია თავდამსხმელის ცხედარი. ის 24 წლის კაცია, კარლის უნივერსიტეტის ხელოვნების ფაკულტეტის სტუდენტი.
როგორც პოლიციამ პრესკონფერენციაზე განაცხადა, მასობრივი სროლა პრაღის უნივერსიტეტში საერთაშორისო ტერორიზმთან არ არის დაკავშირებული.
