კვლევა საქართველოს მასშტაბით საკონსულტაციო კვლევითმა ჯგუფმა "ჯი-სი-ჯიმ" ჩაატარა. გამოკითხულთა უმრავლესობამ წლის ბიზნესმენად გიორგი ჭირაქაძე დაასახელა.

სულ გამოიკითხა 2600 ადამიანი. არჩევანი მათ 6 ბიზნესმენს შორის უნდა გაეკეთებინათ. ნომინანტები, ჭირაქაძის გარდა, ვლადიმერ გურგენიძე, სოსო ფხაკაძე, ბურკხარდ შუხმანი, მამუკა ხაზარაძე და თემურ ჭყონია იყვნენ.

დაჯილდოების ცერემონიალი ახალი ამბების სააგენტო "ჯი-ეიჩ-ენის" ორგანიზებით დღეს "ბაგრატიონი 1882"-ის დარბაზში გაიმართა. გარდა წლის ბიზნესმენისა, დასახელდნენ წლის პოლიტიკოსი, ჟურნალისტი, სპორტსმენი, წლის პროექტი, კომპანია, უცხოური კომპანია და წლის ბრენდი.

ღონისძიების სპონსორები კომპანია WE ARE, "ითი" და "არტ ფლორ დიზაინი" იყვნენ. ღონისძიების "ბაგრატიონი 1882" მასპინძლობდა.

შეგახსენებთ, რომ გიორგი ჭირაქაძე საქართველოში ერთ-ერთ წარმატებულ ბიზნესმენად ითვება, რომელიც კომპანია UGT-სთან ერთად “ბიზნეს ასოციაციასაც” უდგას სათავეში. ჭირაქაძე ბიზნეს წრეებში საკმაოდ წონიანი ფიგურაა და ის არის იმ კომპანის ხელმძღვანელი, რომელმაც პირველად საქართველოს ისტორიაში, საქართველოს პარალელურად ოპერირება (ბიზნესის წარმოებას) აშშ–შიც დაიწყო. UGT LLC იქნება დამოუკიდებელი კომპანია, რომელიც განავითარებს და წარმართავს ბიზნესს ამერიკის ბაზარზე.  UGT საქმიანობას განახორციელებს აშშ-ს როგორც სამთავრობო, ასევე კომერციულ სექტორზე.

2010 წელსვე ამერიკის შეერთებულ შტატებში ბიზნესის წარმოების დაწყების ერთად, UGT–მ ქართულ საინფორმაციო ტექნოლოგიების სივრცეში კიდევ ერთი ნოვაციური პროექტი განახორციელა. UGT-მ ვენჩერულ ფონდი დაარსა, რომლის ძირითადი მიზანი საქართველოს საინფორმაციო ტექნოლოგიების სივრცეში ნოვაციური იდეების და პროექტების დაფინანსება იქნება. ვენჩერული ფონდის საორგანიზაციო ჯგუფი  განიხილავს  ყველა საინტერესო  იდეასა და პროექტს აიტი სფეროში. ფონდში შემოთავაზების წარმოდგენა შეეძლება ნებისმიერ კერძო პირს, ან კომერციულ ორგანიზაციას. თითოეული იდეა/პროექტი შეფასდება მისი უნიკალურობის, პერსპექტიულობისა და კომერციული მომგებიანობის საფუძველზე.

კომპანია იუ-ჯი-თი დაარსდა 1997 წელს. დღეისათვის იგი წარმოადგენს რეგიონის ერთ-ერთ ლიდერ სისტემურ ინტეგრატორს და გადაწყვეტილებების მომწოდებელს საინფორმაციო და საკომუნიკაციო ტექნოლოგიების დარგში. იუ-ჯი-თი ძირითადად კონცენტრირებულია კორპორაციულ კლიენტებსა და სახელმწიფო სექტორის მომსახურებაზე.