"ოქროს პერგამენტის" სპეციალური პრიზი გაზეთ "პრაიმ ტაიმის" მთავარ რედაქტორს, თამარ ფხაკაძეს, პროექტ "გმირისთვის" გადაეცა. აღნიშნული გადაწყვეტილება "ოქროს პერგამენტის" ორგანიზატორებმა მიიღეს.
"ოქროს პერგამენტი" "პრაიმ ტაიმის" მთავრ რედაქტორს სიმბოლურად მწერალმა, ლიტერატორულ კონკურს "საბას" ორგზის გამარჯვებულმა თეონა დოლენჯაშვილმა გადასცა.
ღონისძიება ახალი ამბების სააგენტო "ჯი-ეიჩ-ენის" ორგანიზებით გაიმართა. ღონისძიებას კომპანია "ბაგრატიონი 1882" მასპინძლობდა.
შეგახსენებთ, გაზეთმა "პრაიმ ტაიმმა" 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი "გმირი" გამოსცა, რომელშიც ყველას სახელი და გვარია, ვინც საქართველოს მთლიანობისთვის ბრძოლაში თავი გაწირა.
