გამომცემლობა `პეგასი~ და გამომცემელი მარინე ცხადაია, სერიით `ახალი ლიტერატურა~ მკითხველს ორი პროზაული კრებულისა და ერთი რომანის შემდეგ სთავაზობს მესამე წიგნს.
ეს არის პოეტ მარიამ წიკლაურის ლექსების კრებული `თეთრი ხბორები~. ეს პოეტის მეხუთე ლირიკული კრებულია. წიგნის რედაქტორია ლიტერატორი თამაზ ტყემალაძე. წიგნის მხატვარია ნანიკო ბურდული, დიზაინერი - დალი ჯვარშეიშვილი.
მარიამ წიკლაური საბავშვო წიგნების ავტორიცაა. გამომცემლობა `პეგასმა~ გასულ წელს მკითხველს მისი ორი საბავშვო პროექტი შესთავაზა: ლექსების კრებული `ნატვრისთვალო მზისაო~ და `ნანინები~.
მარიამ წიკლაურის პირველი პოეტური კრებული "შეხვედრა" 2000 წელს გამოიცა. მას მოჰყვა კრებულები "შემომძახიან ლექსები", "ნისლის ფრთას გავშლი" და "მეფარნე". ამას გარდა სხვადასხვა გამომცემლობებში გამოიცა მარიამ წიკლაურის ათზე მეტი საბავშვო კრებული.
არის საბავშვო ლიტერატურეს განვითარების ფინდ `ლიბოს~ ერთ-ერთი დამაარსებელი და ამ ფონდის ეგიდით გამომავალი `საბავშვო ლიტერატურის ალნმანახის~ რედაქტორი.
არის `ქართული საბავშვო წიგნის დღის~ დაარსების ინიციატორიც. ეს დღე ყოველწლიურად აღინიშნება ფონდ `ლიბოს~ ორგანიზებით 27 ოქტომბერს .
არის ლიტერატურული კონკურსის "შოთაობა" - 2009 წლის გრან-პრის მფლობელი, რომელზეც მიენიჭა სანდრა რულოვსის პრემია. 2010 წელს გახდა მაყვალა მრევლიშვილის პრემიის ლაურეატი.
მარიამ წიკლაური წელს ფონდ `ლიბოსთან ~ ერთად წარდგენილია ასტრიდ ლინდგრენის სახლეობის პრემიაზე ნომინანტად.
სერია `ახალი ლიტერატურა~ გააგრძელებს გამოსვლას Dდა მკითხველს მალე შესთავაზებს ამ სერიის ახალ წიგნებს.