გაერო-ს გენერალურმა მდივანმა ანტონიო გუტერეშმა განაცხადა, რომ ღაზის სექტორი ეპიკური ჰუმანიტარული კატასტროფის შუაგულშია.
ანტონიო გუტერეშმა გაეროს უშიშროების საბჭოს სხდომაზე თქვა, რომ მიმდინარეობს ინტენსიური მოლაპარაკებები მოქმედი ზავის გასახანგრძლივებლად, მაგრამ გაერო-ს სჯერა ნამდვილი ჰუმანიტარული ცეცხლის შეწყვეტის აუცილებლობის.
გუტერეშმა დასძინა, რომ ღაზაში მყოფი პალესტინელებისთვის დახმარების სრულიად არასაკმარისია ორ მილიონზე მეტი ადამიანის საჭიროებების დასაკმაყოფილებლად.
„ბევრად მეტია გასაკეთებელი ღაზაში ადამიანთა საჭიროებების დასაკმაყოფილებლად. წყლისა და ელექტროენერგიის მიწოდება სრულად უნდა აღდგეს, დანგრეულია სასურსათო სისტემები, უკმაყოფილება იზრდება მთელს რეგიონში, განსაკუთრებით ჩრდილოეთში“, - თქვა გუტერეშმა.
ამასთან მან აღნიშნა, რომ ბავშვები, ორსულები, მოხუცები და დასუსტებული იმუნური სისტემის მქონე ადამიანები უფრო დიდი რისკის ქვეშ არიან. მისივე თქმით, ღაზის მოსახლეობის 80% იძულებული გახდა სახლები დაეტოვებინა.