თურქეთის პრეზიდენტმა რეჯეფ თაიფ ერდოღანმა გაერო-ს გენერალურ მდივანს ანტონიო გუტერეშს განუცხადა, რომ ისრაელმა საერთაშორისო სასამართლოს დონეზე უნდა აგოს პასუხი ღაზის სექტორში ჩადენილი ომის დანაშაულებისთვის.
როგორც თურქეთის პრეზიდენტის ოფისში აცხადებენ, სატელეფონო საიბარი ოთხშაბათს დაგეგმილ გაერო-ს უშიშროების საბჭოს სხდომის წინ შედგა.
„ისრაელი საერთაშორისო საზოგადოებას თვალებში უყურებს და უგუნურად აგრძელებს საერთაშორისო სამართლისა და ომის კანონების უგულებელყოფას “, - განუცხადა ერდოღანმა გუტერეშს.
ამასთან, ერდოღანმა მწუხარება გამოთქვა ღაზის სექტორში გაერო-ს 100-ზე მეტი თანამშრომელის დაღუპვის გამო.
თურქეთის ლიდერმა აღნიშნა, რომ გუტერეშის ვიზიტმა რაფაჰის საგუშაგოზე დიდი როლი შეასრულა იმაში, რომ საერთაშორისო საზოგადოებას ყურადღება მიეპყრო ღაზაში მიმდინარე მოვლენებისთვის.
ოთხშაბათს, 29 ნოემბერს, თურქეთს ნიუ-იორკში უშიშროების საბჭოს სხდომაზე წარადგენს საგარეო საქმეთა მინისტრი ჰაკან ფიდანი, რომელიც მოლაპარაკებებს აწარმოებს დასავლელ ლიდერებთან ღაზაში არსებულ ვითარებასთან დაკავშირებით.
