„სალომე ზურაბიშვილმა დაიწყო ცალკე პოლიტიკური ცურვა, ეს ემსახურება გარკვეულ პოლიტიკურ სამომავლო გეგმებს, თუმცა ჩვენთვის ეს ტრაგედია არ იქნება, - ამის შესახებ „ქართული ოცნების“ წევრმა, ბექა ოდიშარიამ განაცხადა.
მისი თქმით, ქართველი ხალხის ევროპული გზის ლიდერი ამჟამად არის ირაკლი ღარიბაშვილი, შალვა პაპუაშვილი, ირაკლი კობახიძე. „ამ ტრიუმვირატმა და ზოგადად ჩვენი გუნდის ძალისხმევამ მოიტანა შედეგი და მე პრაქტიკულად გამოვრიცხავ რომ არ მოგვანიჭონ კანდიდატის სტატუსი, – თქვა მან.
მისივე თქმით, „ქართული ოცნება“ გააგრძელებს გზას სტატუსის მინიჭების შემდეგ, რომელიც ქვეყანას ევროკავშირის სრულფასოვან წევრობამდე მიიყვანს.
„სალომე ზურაბიშვილმა დაიწყო ცალკე პოლიტიკური ცურვა, ეს რას ემსახურება? ბუნებრივია არ ემსახურება პირად და საოჯახო ინტერესებს, ეს ემსახურება გარკვეულ პოლიტიკურ სამომავლო გეგმებს, თუმცა მე არ ვუწყი ამის შესახებ, არ მაქვს ინფორმაცია. ჩვენთვის ეს ტრაგედია არ იქნება, ვისთან ერთადაც არ უნდა დადგეს, მაინც დამარცხდება „ქართულ ოცნებასთან“ და „ქართული ოცნება“ გააგრძელებს იმ გზას სტატუსის მინიჭების შემდეგ, რომელიც ძალიან მალე მიგვიყვანს ევროკავშირის სრულფასოვან წევრობამდე“, – განაცხადა ოდიშარიამ.
