„ერთიანი ნაციონალური მოძრაობის“ ლიდერები“ ქორთიარდ მერიოტში“ ეუთო/ოდირის წარმომადგენლებს ხვდებიან.
შეხვედრას ესწრებიან პარტიის ლიდერები, პარლამენტის წევრები, რეგიონალური ლიდერები, პარლამენტის ფრაქციის აპარატის თანამშრომლები და ახალგაზრდული ორგანიზაციის წევრები, ეუთო/ოდირის წარმომადგენლენი და ოდირის workshop-ის მთავარი ექსპერტი ლოლიტა ციგანე, რომელიც ლატვიის პარლამენტის ყოფილი წევრია.
„ერთიანი ნაციონალური მოძრაობის“ წევრების განცხადებით, ეუთო/ოდირის ვარშავის ოფისთან თანამშრომლობით, ისინი პარტიის ეთიკის კოდექსს შეიმუშავებენ.
„ნაციონალური მოძრაობისთვის“ შიდაპარტიული დემოკრატია არის უმნიშვნელოვანესი, ამიტომ რამდენიმე თვის განმავლობაში ეუთო/ოდირთან ფრაქცია „ნაციონალური მოძრაობა“ მუშაობდა კონკრეტული დოკუმენტაციის შემუშავებისთვის, რომელიც წაადგება პირველ რიგში „ნაციონალურ მოძრაობას“ შიდაპარტიული დემოკრატიისთვის,“ - ამის შესახებ განაცხადა “ერთიანი ნაციონალური მოძრაობის” თავმჯდომარემ, ლევან ხაბეიშვილმა.
ლევან ხაბეიშვილის განცახდებით, რომ შიდა დემოკრატია მნიშვნელოვანია როგორც პარტიის შიგნით, ასევე ჩვენი ქვეყნისთვის.
„ნაციონალური მოძრაობისთვის“ შიდაპარტიული დემოკრატია არის უმნიშვნელოვანესი, ამიტომ რამდენიმე თვის განმავლობაში ეუთო/ოდირთან ფრაქცია „ნაციონალური მოძრაობა“ მუშაობდა კონკრეტული დოკუმენტაციის შემუშავებისთვის, რომელიც წაადგება პირველ რიგში „ნაციონალურ მოძრაობას“ შიდაპარტიული დემოკრატიისთვის. ეს უნდა იყოს იმპულსი და გადამდები სხვა პოლიტიკური პარტიებისთვის იმისთვის, რომ შიდა დემოკრატია მნიშვნელოვანია როგორც პარტიის შიგნით, ასევე ჩვენი ქვეყნისთვის. შესაბამისად, ყველა უნდა მიეჩვიოს საკუთარი პარტიიდან შიდა დემოკრატიას, გადაწყვეტილებების მიღებას დემოკრატიულად, საჯაროდ დიდი დისკუსიით. „ნაციონალური მოძრაობის“ პარტიის თავმჯდომარეც სწორედ ამ ფორმით შეირჩა, ძალიან მაღალი ჩართულობით, ისეთი ჩართულობით, რომელიც არა ახსოვს დამოუკიდებელი საქართველოს ისტორიის არცერთ პოლიტიკურ პარტიას. „ნაციონალური მოძრაობა“ ნამდვილად არის პარტია, რომლის შიდა პარტიულ არჩევნებში ამდენმა ადამიანმა, მხარდამჭერმა მიიღო მონაწილეობა. ასევე, მნიშვნელოვანია, რომ 2024 წლის არჩევნებისთვის სადამკვირვებლო მისია იყოს ჩვენს ქვეყანაში არა მხოლოდ არჩევნების დღეს, არამედ გრძელვადიანად, რადგან არჩევნები არ ყალბდება მხოლოდ არჩევნების დღეს, ეს არის დიდი პროცესი, რომელიც დაკავშირებულია მოსყიდვასთან, შანტაჟთან და ძალადობრივ მოქმედებებთან.
პირველ რიგში მნიშვნელოვანია, რომ ყველას კარგად ესმოდეს მთავარი ოპოზიციური პარტიის ლიდერი, პრეზიდენტი სააკაშვილი თუ იქნება პუტინის ტყვეობაში, თუ სანქცირებული მოსამართლეების მიერ მიღებული შესაბამისი გადაწყვეტილების შედეგად ტყვეობაში დარჩება და იმ „ეფესბეს“ აგენტის ბრალის წარდგენის შესაბამისად, რისთვისაც ახლა ჰყავთ ციხეში გამოკეტილი, არჩევნები თავისუფლად ვერ ჩაითვლება. საერთოდ ვერანაირ დემოკრატიაზე, კარგ, ჯანსაღ გარემოზე ვერ ვისაუბრებთ იმ პირობებში, როდესაც პრეზიდენტი სააკაშვილი არის ციხეში. ასევე, მნიშვნელოვანია, როცა გარემოზე ვსაუბრობთ, სადამკვირვებლო მისიები, მათ შორის ეუთო/ოდირის, იყოს არა მხოლოდ ერთდღიანი, არამედ გრძელვადიანი, რადგან რუსული პარტია მიჩვეულია შანტაჟს, მუქარას, ზეწოლას და ეს ყველაფერი ხდება არჩევნებამდე,“ - განაცხადა ლევან ხაბეიშვილმა.
