საქართველოს პარლამენტში პლენარული სხდომა ხმაურის ფონზე მიმდინარეობს.
პლენარულ სხდომაზე „თავდაცვის კოდექსზე“ მესამე მოსმენით მსჯელობენ,ფრაქცია „ნაციონალური მოძრაობის“ თავმჯდომარე თინა ბოკუჩავა და ოპოზიციონერი დეპუტატი ხათუნა სამნიძე კითხვის დასმას ეროვნული ბანკისა და ოთარ ფარცხალაძის საკითხზე ცდილობდნენ, თუმცა მათ პარლამენტის თავმჯდომარემ შალვა პაპუაშვილმა მიკროფონი გამოურთო და მოუწოდა, კითხვები განსახილველ საკითხზე დასვან.
სიტყვიერი დაპირისპირება იყო ხათუნა სამნიძესა და ფრაქცია „ქართული ოცნების“ თავმჯდომარე მამუკა მდინარაძეს შორის, რის შემდეგაც მანდატურის სამსახურმა ხათუნა სამნიძეს სხდომა დაატოვებინა.
