აქციები და საერთო პროტესტი, რუსული კრიმინალური მმართველობა საქართველოში არ იქნება, - ამის შესახებ „ლელოს“ ლიდერი მამუკა ხაზარაძე წერს.
ის ეხმიანება ეროვნული ბანკის ბრძანებას, რომლის მიხედვითაც, ოთარ ფარცხალაძის გამო ქართული ბანკებისთვის სანქციათა რეჟიმების შესრულების წესი შეიცვალა. ეროვნული ბანკის განმარტებით, საერთაშორისო სანქციები საქართველოს მოქალაქეს მხოლოდ იმ შემთხვევაში შეეხება თუ საქართველოს სასამართლო გამამტყუნებელ განაჩენს გამოიტანს.
"ეროვნული ბანკის ხელმძღვანელობის ანტიეროვნული ქმედების წინააღმდეგ ერთად ბრძოლაა საჭირო! რუსული კრიმინალური მმართველობა საქართველოში არ იქნება. ვიწყებთ კონსულტაციებს ყველასთან, ვისთვისაც ქვეყნის დასავლური მომავალი მნიშვნელოვანია" - წერს ხაზარაძე.
