აზერბაიჯანის პრეზიდენტის თანაშემწე და პრეზიდენტის ადმინისტრაციის საგარეო პოლიტიკის დეპარტამენტის უფროსი, ჰიქმეთ ჰაჯიევი ყარაბაღში მიმდინარე მოვლენებს ეხმიანება.
„უკანონო სეპარატისტული მარიონეტული რეჟიმი უნდა დაიშალოს და აზერბაიჯანის ყარაბაღის რეგიონში განლაგებული სომხური შეიარაღებული ძალები განიარაღდეს.
აზერბაიჯანი იყენებს ზუსტი მართვადი საბრძოლო მასალის ლეგიტიმურ სამხედრო სამიზნეებს და, ყველა საშუალებით, თავიდან იცილებს მშვიდობიან მოსახლეობის ზიანს. აზერბაიჯანის ყარაბაღის რეგიონში სომხური წარმოშობის მშვიდობიანი მოქალაქეების უფლებები და უსაფრთხოება უზრუნველყოფილი იქნება აზერბაიჯანის კონსტიტუციით და საერთაშორისო ვალდებულებებით. დაშლა და განიარაღება!“ - წერს ჰაჯიევი ტვიტერში.
აზერბაიჯანულმა მხარემ განაცხადა, რომ ყარაბაღში ლოკალური ხასიათის ანტიტერორისტული ღონისძიებები დაიწყო.
აზერბაიჯანის თავდაცვის სამინისტრო აცხადებს, რომ ყარაბაღში სომხეთის შეიარაღებული ძალების ფორმირებების მიერ აზერბაიჯანის არმიის პოზიციების სისტემატური დაბომბვა, ტერიტორიების დანაღმვა, ასევე სანგრების რაოდენობის გაზრდა კიდევ უფრო დიდი დაძაბულობის მიზეზი გახდა.
სომხეთის თავდაცვის სამინისტრომ თავის მხრივ გაავრცელა ინფორმაცია, რომ სომხეთის რესპუბლიკას მთიან ყარაბაღში არმია არ ჰყავს განთავსებული.
