საპარლამენტო ოპოზიციის წევრმა, თეონა აქუბარდიამ პლენარულ სხდომაზე გამოსვლისას საბჭოთა რეპრესირებულების ოჯახის წევრებისთვის სოციალური დახმარების საკითხზე ისაუბრა რომელიც დღევანდელი მდგომარეობით 7 ლარს შეადგენს.
„კობახიძე კონსტიტუციის გაკვეთილებს გვიკითხავს მთელს მოსახლეობას და თურმე, ეროვნულ ბანკს შემოწყრა, რომ სანქციები დაადეს სანქცირებულ პირს. ჩვენ ვხედავთ რაღაცა საბურავების რევოლუციის ანონსების გაგრძელებას. წარმოუდგენელია, მაგრამ, მაშინ, როდესაც პრემიერ-მინისტრი, თბილისის მერი, ჩარტერული რეისით იყენებს სახელმწიფოს ბორტს, 7 ლარი არის სოციალური დახმარება საბჭოთა რეპრესირებულების მსხვერპლთათვის", საბჭოთა რეპრესირებულების ოჯახის წევრებისთვის სოციალური დახმარება 7 ლარია, რომელიც 2006 წლიდან არ შეცლილა და პირიქით, მოცემულობაში გაუარესდა, რამდენადაც არც სოციალური, არც კომუნალური და არც ტრანსპორტის კუთხით არანაირი შეღავათები ამ მოქალაქეებზე არ მოქმედებს, - განაცხადა თეონა აქუბარდიამ პარლამენტში პლენარულ სხდომაზე.
"მე დამიკავშირდა 88 წლის ქალბატონი, რომელიც ყოველდღე უყურებს პარლამენტის სხდომებს და აინტერესებს და ელოდება გაიზრდება თუ არა მისთვის 7 ლარიდან 44 ლარამდე დახმარება, რომელიც მას, როგორც რეპრესირებულთა ოჯახის წევრს ეკუთვნის. მაგრამ, ჩვენ ვხედავთ, რომ მხოლოდ არჩევნებისთვის ხდება იმ სეგმენტის დაფინანსება, რომელიც არჩევნებისთვის არის აუცილებელი. სულ 4 მილიონამდეა საჭირო, იმისთვის, რომ 9 ათასამდე მოქალაქეს 44 ლარამდე გაეზარდოს სოციალური დახმარება, ისე როგორც სხვა ჯგუფებს აქვთ ბიუჯეტიდან დახმარება. ეს იქნება ამ ადამიანებისთვის გარკვეული დაფასება სახელმწიფოს მხრიდან.
სანამ ბიუჯეტის პროექტი შემოვა პარლამენტში განსახილველად, ვაყენებ საკითხს, რომ საბჭოთა რეპრესირებულების ოჯახის წევრებს დახმარება 7-დან 44 ლარამდე გაეზარდოთ“, - განაცხადა თეონა აქუბარდიამ.
