ევროპელი კონსერვატორებისა და რეფორმისტების ჯგუფი (ECR Group) აცხადებს, რომ ნინო ლომჯარია და ქართველი ხალხი აზრის თავისუფლებისთვის სახაროვის სახელობის პრემიაზე წარადგინა.
„1991 წელს, საბჭოთა კავშირის დაშლამდე, დამოუკიდებლობის აღდგენის შემდეგ, ქართველმა ხალხმა შემართებით აღადგინა დემოკრატიული სახელმწიფო და აირჩია რეორიენტაციის გზა ევროატლანტიკური თანამეგობრობისკენ.
ვარდების რევოლუციის შემდეგ, მომდევნო მთავრობებმა წვლილი შეიტანეს ამ პროცესში, განაგრძეს საქართველოს ევროატლანტიკური ინტეგრაცია და მიაღწიეს არსებით შედეგებს, გადალახეს მრავალი დაბრკოლება და რუსეთის იმპერიული პოლიტიკისგან მათი ქვეყნის მთლიანობისა და სუვერენიტეტის პირდაპირი საფრთხეც კი. ბოლო წლებში საქართველოს ხალხი არაერთხელ შეერთდა თავისი ქვეყნის დასაცავად, სასტიკად იბრძოდა საკუთარი უფლებებისა და მისწრაფებებისთვის, დადებითად იმოქმედა მთავრობის გადაწყვეტილებებზე და შეადგინა ქვეყნის გამძლეობის ბირთვი.
მთელი ამ ბრძოლის მანძილზე ურყევი შთაგონების შუქურად ერთი ინდივიდი გამოირჩევა: ნინო ლომჯარია. საქართველოს სახალხო დამცველის თანამდებობაზე ყოფნის განმავლობაში იგი წარმატებით იცავდა რუსეთის მიერ ოკუპირებული საქართველოს რეგიონებიდან და ეთნიკური და რელიგიური უმცირესობების უფლებებს და აძლიერებდა ადამიანის უფლებების დაცვას, განსაკუთრებით ბავშვებისა და შეზღუდული შესაძლებლობის მქონე პირებისთვის. დიდი ზეწოლის მიუხედავად, მას ჰქონდა გამბედაობა, მხარი დაეჭირა მათთვის, ვინც სხვადასხვა ფორმის დისკრიმინაციას განიცდის, მაგალითად, პატიმრობაში მყოფი ყოფილი პრეზიდენტის მიხეილ სააკაშვილის უფლებების შემთხვევაში.
ნინო ლომჯარია და თავისი გუნდი ასევე დაეხმარნენ საქართველოში პლურალიზმისა და გამოხატვის თავისუფლების დაცვას. მათმა წარუშლელმა გამბედაობამ, მოკრძალებულობასთან და პროფესიონალიზმთან ერთად, განურჩევლად პოლიტიკური კუთვნილებისა, ხელი შეუწყო საქართველოს დემოკრატიის განმტკიცებას, რომელიც შეესაბამება მისი მოქალაქეების ევროატლანტიკურ მისწრაფებებს“, – აღნიშნულია ევროპელი კონსერვატორებისა და რეფორმისტების ჯგუფის მიერ გავრცელებულ ინფორმაციაში.
ევროპელი კონსერვატორებისა და რეფორმისტების ჯგუფი ასევე ავრცელებს ევროპარლამენტარ ანა ფოტიგას კომენტარს.
ECR Group-ის ცნობით, ჯგუფის შეხვედრაზე კენჭისყრის შემდეგ საუბრისას, ევროპარლამენტარმა ანა ფოტიგამ, რომელიც აფინანსებდა აღნიშნულ ნომინაციას, თქვა: „მე კარგად ვიცნობ ქართველ ხალხს და მტკიცედ მჯერა, რომ ისინი იმსახურებენ ჩვენს პატივისცემას და უმაღლეს აღიარებას. ჩვენი ნომინაცია აჩვენებს, რომ მთელი ევროპელი კონსერვატორებისა და რეფორმისტების ჯგუფი ყოველმხრივ მხარს უჭერს საქართველოს სწრაფვას დასავლეთთან თავისუფლებისა და ერთიანობისკენ. ჩვენ პატივს ვცემთ იმას, რასაც ქართველმა ხალხმა მიაღწია და იმ მიმართულებას, რომელიც მან აიღო, ზოგჯერ უზარმაზარი დაბრკოლებების წინააღმდეგ. მიხარია, რომ არიან ნინო ლომჯარიას მსგავსი ადამიანები, რომლებმაც ფასდაუდებელი წვლილი შეიტანეს თავიანთი ქვეყნის დემოკრატიასა და ევროატლანტიკურ მისწრაფებებში“.
