პოლონეთის მთავრობამ უკრაინული მარცვლეულის ექსპორტთან დაკავშირებით რეზოლუცია მიიღო, რომლის თანახმად, მინისტრთა საბჭო მოუწოდებს ევროკომისიას, 15 სექტემბრის შემდეგაც გაახანგრძლივოს უკრაინული მარცვლეულის ექსპორტზე აკრძალვა.
„წინააღმდეგ შემთხვევაში, პოლონეთი ეროვნულ დონეზე დააწესებს საკუთარ აკრძალვას, რომელიც ძალაში დარჩება იქამდე, ვიდრე პოლონეთსა და უკრაინას შორის აგრარულ საკითხებთან დაკავშირებით ვითარება დარეგულირდება“, – ნათქვამია დოკუმენტში.
ხელისუფლების განცხადებით, პოლონეთის მთავრობა ვერ დაეთანხმება იმას, რომ უკრაინულმა მარცვლეულმა ქვეყნის შიდა ბაზრის დესტაბილიზაცია გამოიწვიოს.
მანამდე პოლონეთის პრემიერ-მინისტრმა მათეუშ მორავიეცკიმ განაცხდა, რომ ბრიუსელის გადაწყვეტილების მიუხედავად, უკრაინული მარცვლეულის იმპორტთან დაკავშირებით ვარშავა არ დაუშვებს პოლონეთი უკრაინულმა მარცვლეულმა წალეკოს.
15 სექტემბერს იწურება ევროკავშირის აკრძალვის ვადა უკრაინის ხუთ მეზობელ ქვეყანაში მარცვლეულის იმპორტის აკრძალვასთან დაკავშირებით.
