რუსეთში, ნოვოსიბირსკის ოლქში სამგზავრო თვითმფრინავი ხმელეთზე ავარიულად დაეშვა. წინასწარი ინფორმაციით, საჰაერო ხომალდის ჰიდრავლიკური სისტემა მწყობრიდან გამოვიდა. დაშავებულები არ არიან.
ნოვისიბირსკის ოლქის გუბერნატორის ანდრეი ტრავნიკოვის განცხადებით, ურალის ავიახაზების თვითმფრინავი, რომელიც სოჭიდან ომსკში მიფრინავდა, უბინის რაიონში ავარიულად დაეშვა. ბორტზე 170 ადამიანი იმყოფებოდა. განხორციელდა მგზავრების ევაკუაცია.
როსავიაციაში განაცხდეს, რომ Airbus A320-ის ტიპის თვითმფრინავის ბორზტე ეკიპაჟის 6 წევრი და 159 მგზავრი იმყოფებოდა. წინასწარი ინფორმაციით, მგზავრებს სამედიცინო დახმარებისთვის არ მიუმართავთ. ისინი უახლოეს დასახლებულ პუნქტში გადაიყვანეს.
