ბრიტანეთის სამართალდამცველებმა 12 ტერორისტი დააკავეს. როგორც ბრიტანული სამართალდამცველო ორგანოების ოფიციალური ვებ.გვერდები იუწყებიან, დაზვერვამ გამოაშკარავა, რომ დაკავებულები ფართომასშტაბიანი ტერორისტული აქტის განხორციელებას გეგმავდნენ.
დაკავებულებიდან 5 კარდიფიდანაა, 4 სტოკიდან, ხოლო 3 ლონდონიდან.
დაკავებულები 17-დან 28 წლამდე ასაკის არიან. მათი განიარაღება ბრიტანელმა სამართალდამცველებმა ლონდონის დროით 05:00 საათზე მოახერხეს.
ტერორისტებიდან ერთის გარდა ყველა საკუთარ სახლში ან სახლთან ახლოს იმყოფებოდა. ერთ-ერთი სტოკელი ტერორისტი კი ბირგინემში იმყოფებოდა.
დაკავებულები ამჯერად ლონდონის პოლიციის განყოფილებებში არიან გადაყვანილები, ხოლო ბრიტანელი სამართალდამცველები სამძებრო სამუშაოებს აგრძელებენ.
