დღეს კლუბ "ჯაზუში" presa.ge-ს ჟურნალისტები შეიკრიბებიან და პრესკონფერენციას გამართავენ. ჟურნალისტები განცხადებას გააკეთებენ არსებული ვებ-გვერდის დატოვებაზე, რისი მიზეზიც ინტერნეტ მედია ჯგუფში გენერალური დირექტორის პოსტზე რეალ-ტვ-ის მიმომხილველის გიორგი კაპანაძის მოყვანა გახდა.
დომენი presa.ge ჟურნალისტების საკუთრება იყო და დროებით იმყოფებოდა "კავკასიის ინტერნეტ მედია ჯგუფის საკუთრებაში". კომპანიის ახალმა მესაკუთრეებმა კი, უარი განაცხადეს ჟურნალისტებისთვის დომენის დაბრუნებაზე.
ამიერიდან, presa.ge-ს ჟურნალისტები საქმიანობას განაგრძობენ ახალ ინტერნეტ მისამართზე www.presage.tv
პრესკონფერენცია 20 დეკემბერს 13 საათზე კლუბ "ჯაზუში" (რესპუბლიკური საავადმყოფოს მიმდებარე ტერიტორია) გაიმართება.
