საქართველოს კათოლიკოს-პატრიაქმა ილია II - მ სრულიად საქართველოს წმინდა ნიკოლოზ საკვირველმოქმედის ხსენების დღე მიულოცა. მან წირვა წმინდა სამების საკათედრო ტაძარში აღავლინა. მილოცვასთან ერთად პატრიარქმა ხალხს სიმშვიდის შენარჩუნებისკენ მოუწოდა.
"წმინდა ნიკოლოზი ყოფილიყოს საქართველოსა და მთელი მსოფლიოს მფართველი. მის ტროპარში წერია, რომ ის არის კანონი სარწმუნეობისა და ხატი სიმშვიდისა. როგორ გვაკლია ჩვენ სიმშვიდე. როგორ საჭიროა ადამიანისთვის სიმშვიდე. თუ ადამიანს არ გააჩნია შინაგანი სიმშვიდე, მის გარეშე შეუძლებელია იყოს სიმშვიდე. წმინდა ნიკოლოზის ერთ-ერთი ლოცვაში წერია, რომ როგორიც არის სახელი შენი ისეთია ცხოვრება შენი. სახელი ნიკოლოზი ნიშნავს გამარჯვებას და ცხოვრება მისი გამარჯვებაა კეთილისა ბოროტსა ზედა. მან მოიპოვა სიმდაბლითა სიმაღლე, სიგლაკახითა სიმდიდრე", - ქადაგებს პატრიარქი.
პატრიარქმა დღეს დიღმის ბავშვთა სახლიც დალოცა.
