კანადაში ოფოციალური სამუშაო ვიზიტით მყოფ საქართველოს განათლებისა და მეცნიერების მინისტრ დიმიტრი შაშკინსა და ტორონტოს უნივერსიტეტის ხელმძღვანელებს შორის სამუშაო შეხვედრა გაიმართა.
შეხვედრის მიზანი საქართველოსა და ტორონტოს უნივერსიტეტებს შორის სამომავლო თანამშრომლობა იყო. როგორც განათლების სამინისტრო იუწყება, ტორონტოს უნივერსიტეტს ერთ-ერთი წამყვანი ადგილი უჭირავს მსოფლიო უნივერსიტეტების სიაში, განსაკუთრებით საინჟინრო ტექნოლოგიებსა და საბუნებისმეტყველო მეცნიერებების კუთხით, რაც საქართველოში პრიორიტეტულ მიმართულებას წარმოადგენს.
შეხვედრისას ასევე დაიგეგმა აქტიური თანამშრომლობა სტუდენტთა გაცვლის, საინჟინრო ტექნოლოგიებსა და საბუნებისმეტყველო მეცნიერებების სფეროში გამოცდილების გაზიარებაში.