18-19 დეკემბერს სასტუმრო "რედისონ ბლუ ივერიაში" აფხაზეთის ავტონომიური რესპუბლიკის მთავრობა, აფხაზეთის განათლებისა და კულტურის სამინისტრო და პარტნიორები: "მრავალეროვანი საქართველო დემოკრატიული ღირებულებების განმტკიცებისთვის", მიგრაციის საერთაშორისო ორგანიზაცია (IOM), საგანმანათლებლო ცენტრი "ცოდნა", ასოციაცია "მშვიდობა და განათლება", "კოალიცია სამართლიანობისთვის" და " Helping Hand აფხაზეთის განათლებისა და დასაქმების პირველ მასშტაბურ ფორუმს გამართავენ.
ფორუმზე წარმოდგენილი იქნება უმაღლესი და პროფესიული განათლების, დასაქმებისა და სტაჟირების უამრავი შესაძლებლობა. ფორუმის განმავლობაში დასაქმების მაძიებელთათვის, უწყვეტ რეჟიმში, ჩატარდება სემინარები "როგორ გავიაროთ ინტერვიუ", "როგორ შევადგინოთ CV და სამოტივაციო წერილი", "საპრეზენტაციო უნარები" და სხვა.
ფორუმის მიზანია დევნილებში ინფორმაციის მისაწვდომობა უმაღლესი და პროფესიული განათლების, ასევე სხვადასხვა კვალიფიკაციის ასამაღლებელი მოკლე და გრძელვადიანი ტრენინგებზე, სტიპენდიებზე, სტუდენტურ სესხებზე, გაცვლით საგანმანათლებლო და პროფესიულ პროგრამებზე, რაც ხელს შეუწყობს დევნილთა მოტივაციის და ქმედითუნარიანობის ამაღლებას,რათა შემდგომში მათ საშუალებას მისცემს საქმიანობის პრიორიტეტებიდან გამომდინარე მოიძიონ სასურველი ვაკანსია სტაჟირების, დასაქმების ან მოხალისეობის პროგრამის ფარგლებში.