დღეს, 18 დეკემბერს, 10:00 საათზე, ილიას სახელმწიფო უნივერსიტეტში საქართველოს პირველი ლედი სანდრა ელისაბედ რულოვსი სოციალური სამუშაოს სამაგისტრო პროგრამის ოცდაათამდე სტუდენტისთვის გამართულ ლექციას დაესწრება.
თავდაპირველად პროგრამის ხელმძღვანელი შორენა საძაგლიშვილი ახლად მიღებული სტუდენტებისთვის პროგრამის შესახებ პრეზენტაციას გააკეთებს და ეულოვსს მიაწვდის ზოგად ინფორმაციას პროგრამის სტრუქტურასა და საქმიანობაზე, რის შემდეგაც მეორეკურსელები მოახდენენ თავიანთი კვლევითი პროექტების პრეზენტაციას.
რულოვსი სოციალური სამუშაოს სამაგისტრო პროგრამის რესურსცენტრს ესტუმრება და მის საქმანობასაც გაეცნობა.
ლექციას საქართველოს შრომის, ჯანმრთელობისა და სოციალური დაცვის სამინისტროს წარმომადგენელი დაესწრება.