დღეს, 18 დეკემბერს, 13:00 საათზე, სასტუმრო "ვილა მთიებში" საქართველოს პედაგოგთა და მეცნიერთა თავისუფალი პროფკავშირი კონკურსში - "საუკეთესო გაკვეთილი ქართულ ენასა და ლიტერატურაში" გამარჯვებულ პედაგოგებს დააჯილდოებს.
კონკურსი პედაგოგთა პროფკავშირთან არსებულმა ქართული ენისა და ლიტერატურის კლუბმა პროფკავშირის 105 წლის იუბილესთან დაკავშირებით გამოაცხადა.
კონკურსში მონაწილეობა მიიღო 20-მა პედაგოგმა საქართველოს სხვადასხვა კუთხიდან, რომელთა შორის კომპეტენტურმა კომისიამ სამი საუკეთესო გაკვეთილის ნიმუში გამოავლინა. გამარჯვებულებს გადაეცემათ ფულადი ჯილდო და დიპლომი, ხოლო კონკურსის ყველა მონაწილე სიგელს მიიღებს.