თურქეთის ჩრდილო-დასავლეთში დერინჯეს პორტში მომხდარი აფეთქების შედეგად 12 ადამიანი დაშავდა. იუწყება AP
აფეთქება ადგილობრივი დროით, დაახლოებით, 14:40 საათზე მოხდა. თურქეთის მარცვლეულთა საბჭოს განცხადებით, აფეთქება, სავარაუდოდ, გადმოტვირთვის დროს ხორბლის მტვრის შეკუმშვამ გამოიწვია.
ქოჯაელის პროვინციის გუბერნატორის ინფორმაციით, სამი დაშავებული საავადმყოფოში გადაიყვანეს, მათი მდგომარეობა მძიმეა.
ტრანსპორტის სამინისტროს განცხადებით, აფეთქების შედეგად არც ერთი ხომალდი არ დაზიანებულა.
