ონის მუნიციპალიტეტში, სტიქიის ზონაში, სადაც მესამე დღეა, უწყვეტ რეჟიმში მიმდინარეობს სამძებრო-სამაშველო ღონისძიება, დაღუპულთა რიცხვი 17-მდე გაიზარდა.
ამის შესახებ ინფორმაცია საქართველოს შინაგან საქმეთა სამინისტროს საგანგებო სიტუაციების მართვის სამსახურის უფროსმა, თემურ მღებრიშვილმა დაადასტურა.
ამ დროისთვის არსებული მონაცემებით, დაღუპულია 17 ადამიანი, სტიქიის ზონაში 18 ადამიანს ეძებენ.
