უმრავლესობის ლიდერი პეტრე ცისკარიშვილი თბილისში კომპაქტურად ჩასახლებული მოშიმშილე დევნილების წარმომადგენლებს შეხვდა.
ცისკარიშვილმა მოისმინა მათი პრობლემები და დაჰპირდა შუამდგომლობას საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროსთან, რათა სამინისტრომ ინდივიდუალურად განიხილოს თითოეული ამ დევნილის საკითხი. საუბარია ფულად კომპესაციაზე ან მათთვის ალტერნატიული საცხოვრებელი ფართის შეთავაზებაზე.
